+7 (777) 001 44 99
Қазақша
Русский
English
Алматы полиция департаменті есірткі қылмысы бойынша күдікті ретінде ұсталған Mad Men Q-pop тобының әншілеріне қатысты іс қандай бап бойынша тергеліп жатқанын айтты, - деп хабарлайды Tengrinews.kz тілшісі.
Полиция мәліметінше, ісі ҚР ҚК-ның 297-бабы 3-бөлігі бойынша ("Адамдар тобының алдын ала сөз байласуымен есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, оларды жөнелту не өткізу") сараланған.
Бұл бапта мүлкін тәркілей отырып, 10 жылдан 15 жылға дейінгі мерзімге бас бостандығынан айыру жазасы көзделеді.
Бұған дейін Алматы полициясы есірткі қылмысына күдікті ретінде ұсталғандар қатарында танымал Q-pop тобының әншілері болғанын хабарлаған еді.
Әлеуметтік желі қолданушылары Алматыда қылмыстық топтың ұсталған сәті түскен видеоға белсенді түрде пікір жазып жатыр. Кейбіреуінің айтуынша, ұсталғандардың ішінде бірнеше адам Mad Men Q-рор тобының мүшелеріне ұқсас. Олардың ішінде пікір қалдырушылар топ мүшесі Moora мен олардың продюсері Руслан Хванды танып отыр.
Айта кетейік, құқық қорғау органдары тұрақты түрде есірткі сатқандарды ұстағанын хабарлданған еді. Топтың құрамында 21 жастан 30 жасқа дейінгі 10 адам болған. Оны 27 жастағы ер адам басқарған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
