Интернет-алаяқтар жыл басынан бері қазақстандықтарға 7 миллиард теңге шығын келтірді, - деп хабарлайды Tengrinews.kz тілшісі.
Ішкі істер министрлігінің мәліметінше, жыл басынан бері 12 мың интернет-алаяқтық тіркеліп, 7 миллиард теңге шығын келтірілген. 571 интернет-алаяқ ұсталып, 17 қылмыстық топ әрекетінің жолы кесілген.
"Интернет-алаяқтық ең көп тіркелген өңірлер: Нұр-Сұлтанда - 2295, Алматыда - 1486 және Қарағанды облысында - 1150 дерек", - делінген хабарламада.
Бұған дейін Ішкі істер министрлігі қазақстандықтарға профилактикалық және ескерту SMS-хабарламаларын жібере бастады.
"Ұялы байланыс тұрғылықты және орналасқан жеріне қарамастан, Қазақстанның әрбір тұрғынына қолжетімді болғандықтан, алаяқтық дерегі туралы ақпаратты SMS арқылы жіберу азаматтардың кең ауқымын жедел хабардар етуге мүмкіндік береді", - деді ІІМ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
