Телефон алаяқтары қазақстандықтарға жеңілдетілген автонесиені ұсынып хабарласа бастаған. Олар өздерін банк немесе автосалон қызметкерлеріміз деп таныстырып, қысқа мерзімде іс қағаздарын жүргізуге көмектесеміз деп уәде береді, - деп хабарлайды Tengrinews.kz тілшісі.
"Әңгімелесушінің психологиясын зерттеген алаяқтар одан жеке деректерін (банк деректемелері, шот нөмірлері, CVC кодтары) алуы мүмкін. Азаматтарды сақ болуға, үшінші тұлғамен сөйлескенде құпия жеке мәліметтерді айтпауға шақырамыз", - деді Нұр-Сұлтан қаласы Сарыарқа ауданының прокуроры Дәурен Дайыров.
Прокурор адамды алдау немесе сеніміне қиянат жасау 4 жылға дейін бас бостандығынан айыру жазасына кесілетінін ескертті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!