+7 (777) 001 44 99
ПОДЕЛИТЬСЯ
Жезқазған әкімінің орынбасары пара алды деген күдікке ілінді, - деп хабарлайды Tengrinews.kz тілшісі. Бұл туралы Мемлекеттік қызмет істері және сыбайлас жемқорлыққа қарсы іс-қимыл агенттігі өткізген брифинг барысында айтылды.
Жезқазған әкімінің орынбасары пара алды деген күдікке ілінді, - деп хабарлайды Tengrinews.kz тілшісі. Бұл туралы Мемлекеттік қызмет істері және сыбайлас жемқорлыққа қарсы іс-қимыл агенттігі өткізген брифинг барысында айтылды.
Қарағанды облысы бойынша Антикоррупциялық қызмет жедел-іздестіру шараларының барысында Жезқазған әкімінің орынбасары Нұржан Орынбаевты әшкереледі.
"Орынбаев ЖШС өкілінен "Жезқазғанның су жүргізу жүйелері реконструкциясы" нысаны бойынша атқарылған жұмыстарға кедергісіз қол қойғаны және "Өңірлерді дамыту - 2020" мемлекеттік бағдарламасын жүзеге асыруға бөлінген бюджет қаражатын өз уақытында төлеуге 550 мың теңге алды деген күдікке ілінді", - деп хабарлады Мемлекеттік қызмет істері және сыбайлас жемқорлыққа қарсы іс-қимыл агенттігінің ресми өкілі Нұрлан Жахин.
Оның айтуынша, Нұржан Орынбаев өз кінәсін толығымен мойындауына байланысты ұстау шарасы жүргізілмеген. "Сондай-ақ, пара берушілер де қылмыстық іске тіркелді. Осы деректер бойынша соталды тергеу жүріп жатыр", - деді Жахин.
