1. Басты
  2. Біл
  3. Оқиға
  4. Қылмыс

Қарағанды облысында болған жаппай төбелестен 16 жастағы жасөспірім қаза тапты24 мамыр 2015, 12:48

©Piter.tv ©Piter.tv

Қарағанды облысындағы Сәтбаев қаласында болған жаппай төбелестен 16 жастағы жасөспірім қаза тапты, - деп хабарлайды Tengrinews.kz тілшісі Қарағанды облысы ІІД баспасөз қызметіне сілтеме жасап. 

"Сәтбаев қаласында төбелестің салдарынан 16 жастағы азаматтың қайтыс болу дерегі бойынша сотқа дейінгі тергеу-тексеру амалдары жүргізіліп жатыр", - делінген хабарламада. Тәртіп сақшыларының айтуынша, қаза болған ер адамның денесінде пышақ іздері табылды. 

Сәтбаев қалалық Ішкі істер бөлімі криминалдық полиция бөлімшесінің қызметкерлері жедел іздестіру іс-шаралары барысында жәбірленушіге сөзге келіспеушілік барысында пышақпен дене жарақаттарын келтірген 15 жастағы жасөспірімді ұстады. "Қазіргі уақытта ұсталған азамат уақытша ұстау изоляторына қамалды. Тергеу амалдары жүргізіліп жатыр", - деді полицейлер.