Қаңтар оқиғасы кезінде ҚазҰУ ректоры Жансейіт Түймебаевтың ұлын өлтіріп кеткен күдікті ұсталды, - деп хабарлайды Tengrinews.kz тілшісі.
Журналист Михаил Козачковтың Telegram-арнасында қаңтар оқиғасы кезінде ҚазҰУ ректорының ұлының өліміне қатысты күдікті ұсталғаны туралы ақпарат пайда болды.
Бас прокуратураның баспасөз қызметі бұл ақпаратты растады.
"Әл-Фараби атындағы ҚазҰУ ректоры Жансейіт Түймебаевтың ұлының өліміне қатысты күдікті ұсталып, қамауда отыр", - деді Бас прокуратураның баспасөз қызметі өкілдері.
Еске салайық, Жансейіт Түймебаевтың ұлы Елнар 2022 жылы 11 қаңтарда Алматыдағы жаппай тәртіпсіздік кезінде қайтыс болған. Елнардың көлігіне белгісіз біреулер оқ жаудырған. Салдарынан ол оқиға орнында қаза болған. Оқиға Сәтбаев көшесіне жетпей Назарбаев көшесінің бойында болған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
