Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Маңғыстаудағы 8 жастағы қызды зорлады делінген күдіктінің ұсталып жатқан сәті видеоға түсірілді

17 Мамыр 2015, 00:27
0
© youtube.com/Tumba Kz
© youtube.com/Tumba Kz

Маңғыстау облысындағы 8 жастағы қызды зорлады делінген күдіктінің ұсталып жатқан сәті түсірілген видеоны марқұмның туыстары Тумба.kz порталына тапсырды. 

Кадрдан жас жігіттің қолының кісендеулі екенін байқауға болады. Оның бет-аузы мен қолы қанға боялған. Күдіктінің қасында камуфляж формасын киген адам отыр.

"Екі күн бұрын қызымызды жерледік. Қазір ауыл тұрғындары қылмыскерді аяусыз жазалауды сұрап отыр. Біз оны 8-10 жылға ғана соттай ма деп қорқамыз, кейін жақсы тәртібі үшін шығарып жіберуі де мүмкін. Сосын ол осындай істерін жалғастыратын болады", - деді қайтыс болған қыздың туысы Фатима Елубаева.

Оның айтуынша, қыздың туыстары Қазақстанның Президентіне өтініш жазып, педофилдер мен балаларды өлтірген қылмыскерлерді өлім жазасына кесуді сұрады. 

Басылымның хабарлауынша, Сай-Өтесте осыған ұқсас жағдайлар көптеп болып тұрады. Екі жыл бұрын өзінің үш қызын кезекпен зорлап келген ер адам ұсталды. Төрт жыл бұрын да осындай жағдай болған. "Ол кезде мас ер адам ауылдың вокзалынан 12 жастағы қызды айдалаға күштеп әкетіп, бірнеше сағат бойы зорлаған. Ол сол күні вокзалда ұсталды", - деді Фатима Елубаева.

Еске сала кетейік, осыған дейін Маңғыстау облысында 8 жастағы қызды зорлап, өлтіріп кеткені хабарланған болатын. Қыздың туыстарының айтуынша, үйдің ауласында серуендеп жүрген қыз кешке үйге оралмаған. "Оның денесі сарайдың жанынан табылды. Біздің көргеніміз бойынша, оны зорлаған, кейін аузына топырақ салған, ол содан тұншығып өлген", - деді қыздың туыстары.

Шұғыл іздестіру шараларының нәтижесінде полицейлер осы ауылдың 26 жастағы тұрғынын ұстады. Жас жігіт төрт рет үйленген. Оның әйелі мен үш қызы бар.

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай