"Миллиардтарды оп-оңай жұмсай алады" - депутат LRT ісіндегі айыпталушылар туралы

Мәжіліс депутаты Мақсат Раманқұлов Astana LRT-де ақшаны жымқыру дерегі бойынша елорда әкімінің экс-орынбасары Қанат Сұлтанбеков пен компанияның бұрынғы басшысы Талғат Арданның Интерполдың күдіктілер тізімінде жоқ болу себебін сұрады, - деп хабарлайды Tengrinews.kz тілшісі.

"Ақ жол" фракциясынан өкілі өз өтінішін бас прокурор Ғизат Нұрдәулетовке жолдады.

"Сыбайлас жемқорлық пен бюджет қаражатын жымқырудың ең күшті мысалдарының бірі - LRT құрылысы жобасы. Қоғам тек ақша жымқыру дерегіне емес, ұрлау мен жазасыз қалудың ескерткішіне айналған, үлкен көлемдегі, аяқталмаған бетон тіректерге наразы. Бұл "отандық Стоунхендж" үшін 120 миллиард теңге бөлінді, бірақ жұмыстың 15 пайызы ғана аяқталды.

Қазір сот осы іс бойынша сотталған жеті адамның апелляциялық шағымын қарастырып жатыр. Бұл орайда екі адам ішкі сот төрелігінен тыс қалды: Астана әкімінің бұрынғы орынбасары Қанат Сұлтанбеков пен Astana LRT басшысы Талғат Ардан. Құқық қорғау органдары "халықаралық іздеу жарияланғанын" жариялады", - деді Раманқұлов Мәжіліс отырысында.

Депутаттың айтуынша, тамызда БАҚ-та Сұлтанбеков пен Ардан Интерпол тізімінде жоқ деген ақпарат тараған.

"Бұл мәлімдемені ешкім жоққа шығармайды. Әлеуметтік желілерде олардың отбасы мүшелерінің Нью-Йорктегі алаңсыз өмірі туралы жазбалар жиі байқалады. Бұл қаражатты қайтару да белгісіз мерзімге кейінге қалдырылды. Шамасы, біздің құқық қорғау органдары қызметкерлері "маңдай термен табылғанның" бәрі жұмсалғанша күтеді", - деді ол.

Оның айтуынша, халықаралық іздеу Бас прокуратураның Ұлттық Интерпол бюросының Франциядағы Лион қаласындағы штаб-пәтеріне ресми өтінішінен басталады.

"Аталған іс бойынша сотталған адамдардың адвокаттарының айтуынша, қазақстандық прокурорлар Интерполға өтініш бере алмады, тіпті бергісі де келмеді.

Сондай-ақ, шетелге заңсыз шығарылған қаражат табылса, "шыққан жері белгісіз байлық" ретінде шет мемлекеттердің пайдасына тәркіленуі мүмкін екенін түсіну керек. Сонымен қатар, бұл - ұрланған шенеуніктердің меншігі емес, қазақ халқына тиесілі қаражат", - деді Мақсат Раманқұлов.

Депутат бас прокурордан келесі сұрақтарға жауап беруді сұрады:

1. Қазақстан Республикасы құқық қорғау органдары Интерполға жоғарыда аталған адамдарды халықаралық іздестіру туралы сұрау жіберді ме? Егер солай болса, аты аталған халықаралық ұйымның мәліметтер базасында жоқ неге олардың аттары жоқ, бұл қазақстандық биліктің нашар сұраныс дайындауымен байланысты ма?
2. LRT бойынша бюджет қаражатының қандай үлесін осы екі адам жымқырды? Ұрланған бюджет қаражатының қай бөлігі мемлекетке қайтарылды?
3. Дамыған елдердің тәжірибесін ескеріп, бұл қаражатты Қазақстанға қайтару мәселесін пысықтау қажет. Осы мақсатта Ұлыбританиядан, АҚШ-тың бірқатар штаттарынан және басқа елдерден үлгі алып, сыбайлас жемқорлыққа қарсы заңнамаға "шығу тегі түсініксіз байлық" туралы ережені енгізуіміз, оларды Қазақстанға қайтару тәртібі туралы екіжақты келісімдер жүргізуіміз керек.

2019 жылдың желтоқсанында Сыбайлас жемқорлыққа қарсы қызмет елорда әкімінің бұрынғы орынбасары Қанат Сұлтанбеков пен Astana LRT компаниясының бұрынғы басшысы Талғат Арданға іздеу жариялады.

Ардан Astana LRT-ны 2014-2017 жылдар аралығында басқарды. Антикордың айтуынша, ол ұрлық фактісін анықтамай тұрып, елден кеткен.

Тәртіп сақшылары қылмыстық әрекеттің әкімнің орынбасары Сұлтанбеков пен Astana LRT басшысы Ардан ұйымдастырғанын, шетелдік және қазақстандық компаниялардың қатысуымен жасағанын мәлімдеді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!