1. Басты
  2. Біл
  3. Оқиға
  4. Қылмыс

Нұр-Сұлтанда жүргізуші куәлігін сатып алуға "көмектескен" ер адам ұсталды 01 сәуір 2021, 11:57

Нұр-Сұлтанда алаяқтық жасады деген күдікпен ер адам ұсталды. Ол бірнеше адамға жүргізуші куәлігін "сатып алуға көмектесемін" деп уәде беріп,
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Фото: Tengrinews.kz/Әлихан Сариев Фото: Tengrinews.kz/Әлихан Сариев

Нұр-Сұлтанда алаяқтық жасады деген күдікпен ер адам ұсталды. Ол бірнеше адамға жүргізуші куәлігін "сатып алуға көмектесемін" деп уәде беріп, ақшасын алғаннан кейін жоғалып кеткен, - деп хабарлайды Tengrinews.kz тілшісі Нұр-Сұлтан Полиция департаментінің баспасөз қызметіне сілтеме жасап.

32 жастағы ер адамды Сарыарқа аудандық Полиция басқармасының қызметкерлері ұстады. Ол бес адамды алдап, ақшасын иемденді деген күдікке ілінді.

"Оның әлеуметтік желідегі парақшасында жүргізуші куәлігін алуға көмектесе алатыны туралы хабарлама жарияланған. Қызметі үшін 120 мың теңге сұрайды. Бес адам ақшасын беріп үлгерген. Ақшаны алғаннан кейін күдікті байланысты үзіп, жоғалып кеткен", - деді департамент өкілдері.

Ұсталғаннан кейін күдікті кінәсін мойындады.

Оған қатысты "Алаяқтық" бабы бойынша қылмыстық іс қозғалды. Оның осыған ұқсас басқа да қылмыстарға қатысы бар-жоғы анықталып жатыр.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!



Firebase Cloud Messaging