Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 325.58
EUR / KZT - 381.51
CNY / KZT - 48.32
RUB / KZT - 5.49

Павлодар облысында мал ұрлығын азайту деңгейі төмен

20 Ақпан 2014, 13:38
0
©Нұрғиса Елеубеков
©Нұрғиса Елеубеков
Павлодар облысында мал ұрлығы өршіп тұр. Аталмыш факті бойынша қылмыстардың бетін ашу төмен деңгейде, деп хабарлайды Tengrinews.kz тілшісі.

Бұған аймақ басшысы Қанат Бозымбаев облыстың қала-аудандарын аралаған сапарлары барысында көз жеткізді.
Мәселен, Екібастұз ауылдық аймағында 70 фактісі тіркелсе, оның тек екі оқиғасының ғана беті ашылған. Баянауыл ауданында 50 орын алған ұрлықтың 13-нің ғана беті ашылса, Лебяжі ауданында 47 мал ұрлығы болса да, үш оқиғаға қатысы бар қылмыскерлер ғана ұсталған.

"Павлодар облысында қылмыстың өсу қарқыны қатты алаңдатады. Осы бағытта, ең алдымен, проблемалық аймақтарды анықтап, жаңа және жедел шешімдер қабылдауымыз керек. Мысалы, мен ауылдық аймақтарға барған кезімде азаматтардан мал ұрлығына қатысты шағымдар естідім және сол қылмыстардың ашылу деңгейі төмен екені айтылды. Адамдардың наразылығын түсінуге болады, себебі, ауылдық тұрғындардың негізгі табысы – мал өсіру. Құқық қорғау органдары мен атқарушы органдар арасында өзара іс-қимыл болмаса, мал ұрлығына қарсы күресу мүмкін емес", - дейді Қанат Алдабергенұлы.

Облыс әкімі аталмыш мәселе бойынша алдын алу жөнінде іс-шаралар жоспарын әзірлеу үшін барлық тиісті мемлекеттік органдарды тарта отырып, жұмыс тобын құруды тапсырды. Айта кетерлігі, жергілікті құқық қорғау органдарының материалдық-техникалық базасын жақсартуға қомақты қаражат бөлу қарастырылуда. Сондықтан, олардан нәтиже талап етуге толық негіз бар.

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай