Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Павлодардағы жаппай кісі өліміне күдікті адам есін жиды

28 Қазан 2014, 12:47
0
©Ярослав Радловский
©Ярослав Радловский

Павлодардағы жаппай кісі өліміне күдікті жан сақтау бөлімінен қарапайым палатаға ауыстырылды, ол есін жиған, - деп хабарлайды Tengrinews.kz тілшісі Павлодар қалалық №1 ауруханаға сілтеме жасап. Жаппай кісі өлімі 27 қазан күні болды.

"Бүгін науқас жан сақтау бөлімінен хирургия бөліміне ауыстырылды. Қазір ол қарапайым палатада жатыр. Оның жағдайы тұрақтанды, ол есін жинады", - деп хабарлады дәрігерлер. Ер адамның кеуде тұсына пышақ салынған, өкпесі мен иығына зақым келген. Күдікті пышақ жарақатын өзіне-өзі салғанын айтты.

Кейбір мәліметтер бойынша, ол - қайтыс болған әйелдердің бірінің ағасы. Тергеудің мәліметінше, пәтердегі бес адамды сол өлтірген. Бұған дейін бес адам мәйітінің Павлодардағы Торайғыров көшесіндегі пәтерлердің бірінен табылғаны хабарланған еді. Қаза тапқандардың арасында екі бала бар.

Павлодар облысы прокурорының орынбасары Қуат Артықбаевтың айтуынша, ұйықтайтын бөлмеден бір ер адамның мәйіті табылды. Қонақ бөлмедегі кереуетте әйел адам мен 10-12 жастағы қыз баланың денесі жатты. Үшінші бөлмеден тағы бір әйел мен ер баланың мәйіті шықты. Алдын ала мәлімет бойынша, әйелдердің бірі буындырылған, қалғанына пышақ салынған.

Облыстық ішкі істер департаментінің басшысы Марат Қожаев жаппай кісі өлімі болған пәтердің ішінен кілттенгенін айтты. Оқиға орнынан жараланған бір ер адам табылды, ол күдікті ретінде қарастырылып отыр. Бұл дерек бойынша "Кісі өлтіру" бабымен қылмыстық іс қозғалды.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай