Полицейді тістеп алған астаналық екі жылға сотталды

24 Қазан 2014, 13:27
0
Полицейді тістеп алған астаналық екі жылға сотталды - ©Astana.sud.kz
©Astana.sud.kz

Астана тұрғыны полицейді тістеп алғаны үшін екі жылға сотталды, - шешімді қаланың Есіл аудандық №2 соты шығарды, - деп хабарлайды Tengrinews.kz тілшісі.

Қылмыстық істің дерегіне сәйкес, полицейді тістеп алған мас ер адам Астанадағы "Алау" спорт кешеніне қарсы маңдағы жолдың көлік жүретін бөлігінде жатқан. Сол уақытта полицей көлігімен өтіп бара жатқан. Ол жолда жатқан адамды көріп, басып өтпеу үшін тоқтайды. Астана тұрғыны автокөлікті қолымен ұрып, аяғымен тепкілей бастаған, көліктің мемлекеттік нөмірін жұлып, алдыңғы терезені сындырған. Полицей әріптестерінің көмегіне жүгінуге тура келіп, "102"-ге хабарласады.    

Бұзақы ұсталып, Астана қалалық Есіл ауданы ішкі істер басқармасына жеткізіледі. Ер адам ұсталған соң да тынышталмаған - ол полицейдің оң иығын тістеп, иық белгісін жұлып алады да, көлігінің ашық тұрған терезесінен ішке түкіріп жіберген.

Сот отырысында жауап алу сотталушы өз кінәсін толық мойындап, істеген ісіне өкінетінін айтты. Сотталушының ісінен бұзақылықтың табылуына байланысты сот оны "Билік өкіліне қарсылық көрсетіп бұзақылық жасау" бабына сәйкес 2 жылға бас бостандығынан айырды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай