Қызылордада азаматтарды қорқыту арқылы пайда табуды кәсіп еткен қылмыстық топтың үш мүшесі ұсталды, - деп хабарлайды Тengrinews.kz тілшісі Қызылорда облысының ІІД баспасөз қызметіне сілтеме жасап.
"Биыл 17 қарашада сағат 18.30 шамасында Қызылорда облысының Ішкі істер департаменті Ұйымдасқан қылмысқа қарсы күрес басқармасы қызметкерлерінің жүргізген жедел-іздестіру іс-шаралары барысында Шиелі ауданының 33, 31, 24 жастағы 3 тұрғыны ұсталып, адамдарға физикалық күш қолдану арқылы мүлікті қорқытып талап еткендері анықталды. Тексеру барысында олардан газды травматикалық тапанша, оқтар, жиналмалы пышақ анықталып, айғақ зат ретінде алынды", - делінген хабарламада.
Сонымен қатар, үйіне жүргізілген тінту барысында сарайынан тапаншаның оқжатары, аңшы мылтықтары, аңшы мылтығының патрондары, табылып, айғақ зат ретінде алынды.
Қазіргі танда бұл дерек ҚР Қылмыстық көдексінің 194-бабы 2-бөлігі және 287-бабы 3-бөлігі бойынша сотқа дейінгі тергеудің бірыңғай реестріне тіркеліп, күдіктілерге қатысты сот "күзетпен қамауда ұстау" бұлтарпау шарасын таңдады.
