Шығыс Қазақстанда 90 миллион теңгені қолды қылған ұрылар ақшаның жартысын таксиде ұмытып кетті

Шығыс Қазақстанда 90 миллион теңгені қолды қылған ұрылар ақшаның жартысын таксиде ұмытып кетті, - деп хабарлайды YK-news.kz.

Порталдың мәліметінше, 90 миллион теңгені бұрын сотталған жігіттер қолды қылған. Күдіктілер ақшаның жартысын өз керектеріне жұмсап, екі миллион рубльге жуық ақшаны таныс қызға сыйлаған, ал қалған ақшаны таксиде ұмытып кетіпті.

"26 тамызда полицияға Березовка ауылының тұрғыны арызданды, ол жергілікті шаруа қожалығының иесі. Әйел үйінен ақша мен бағалы заттардың ұрланғанын айтқан. 155 мың евро, 150 мың доллар, үш миллион рубль, сонымен қатар, шамамен жарты миллион теңге тұратын алтын бұйымдар ұрланған", - делінген жарияланымда.

Полицейлер күдіктілерді бұрын сотталғандардың арасынан іздеп, бесінші тәулікте екі жігітті ұстады, олар өз кінәларын мойындады. Олардың бірі - 25, екіншісі 30 жаста. Біріншісі қарақшылық үшін, ал екіншісі ұрлық үшін сотталған. Сонымен қатар, олардың бірінің осыдан бір жарым ай бұрын ғана түрмеден шыққаны анықталды.

Ақпарат құралының мәліметіне қарағанда, полицейлер қолды болған қаржының 80 пайызын ғана тәркілеген. Жігіттер қалған сомаға қымбат техника, киім-кешек пен ішімдік сатып алыпты. Сонымен қатар, таныстарына таратқан, әсіресе қыздарға мұндай сыйды жиі жасаған көрінеді. Күдіктілердің танысы 1 миллион 700 мың рубльді полицейлерге өз еркімен тапсырды. Одан бөлек, жергілікті такси жүргізушісі көлікте қалып қалған 105 мың евро мен 40 мың долларды полицейлерге әкеліп берді. Айта кетейік, бұл дерекке қатысты қылмыстық іс қозғалды, күдіктілер аудандық ІІБ-нің уақытша ұстау изоляторында отыр. Тәртіп сақшылары олардың басқа қылмыстарға қатыстарының бар-жоғын анықтап жатыр.