1. Басты
  2. Біл
  3. Оқиға
  4. Қылмыс

Шымкентте медициналық маска мен дезинфекциялық құралдарды заңсыз сатқандар анықталды

Фото:elements.envato.com Фото:elements.envato.com

Шымкентте медициналық маска мен дезинфекциялық құралдарды заңсыз сатқандар анықталды, - деп хабарлайды Tengrinews.kz тілшісі қалалық төтенше жағдай жөніндегі штабқа сілтеме жасап.

Штаб мәліметінше, қалада төтенше жағдай кезінде медициналық тауарларды (бетперде, антисептик, қолғап) заңсыз, рұқсат құжатсыз сатқандарға шара қолданылып жатыр.

Шымкент қаласы бойынша Мемлекеттік кірістер департаменті Шымкент қалалық экономикалық тергеу департаментімен бірлесіп, 8 заңсыз медициналық тауарларды сату фактісін анықтаған.

"Нақты айтсақ, 32 мың дана бетперде, 1 730 литр антисептикалық заттар жалпы сомасы 8 млн.  225 мың теңгеге және 20 мың дана медициналық қолғаптар жалпы сомасы 740 мың теңгеге саудаланған. Аталған деректер бойынша, ҚР ӘҚбК 463 бабына сәйкес, 6 әкімшілік хаттама толтырлып, сот органдарында қаралып жатыр.

1 іс-құжат ҚР ӘҚбК 424 бабының 1 тармағына сәйкес әкімшілік жауапкершілік көру үшін, Шымкент қаласы тауарлар мен көрсетілтін қызметтердің сапасы мен қауіпсіздігін бақылау департаментіне жолданған. Бұдан басқа, 1 іс-құжат бойынша әкімшілік жауапкершілік қаралып жатыр", - делінген штабтың хабарламасында.

Қазақстан жаңалықтары. Соңғы жаңалықтар. Telegram желісінде бізге жазыл!