+7 (777) 001 44 99
ПОДЕЛИТЬСЯ
Талдықорғанда есірткіні жарнамалау және насихаттаумен айналысқан тұрғын ұсталды, - деп хабарлайды Tengrinews.kz тілшісі Polisia.kz сайтына сілтеме жасап.
Талдықорғанда есірткіні жарнамалау және насихаттаумен айналысқан тұрғын ұсталды, - деп хабарлайды Tengrinews.kz тілшісі Polisia.kz сайтына сілтеме жасап.
Талдықорғандық блогер Сандуғаш Дүйсенова Instagram-дағы парақшасында жүргізуші-курьер ретінде жұмысқа қабылдау туралы хабарландыруды жариялады. Белгісіз жұмыс беруші курьер немесе жүргізуші ретінде әр шақырым үшін ақы төленетін "әлсіз есірткілерді" тасымалдау және жасырын қою жұмысын ұсынған.
Посмотреть эту публикацию в Instagram
Ақпарат бойынша полицейлер жедел іс-шараларға кіріскен.
"Біраз уақыттан кейін "Бүркіт" арнайы бөлімшесінің жауынгерлерімен Талдықорған тұрғыны ұсталды. Күдікті курьерлер мен есірткі ұстаушыларды іріктеуді ұйымдастырды. Синтетикалық есірткілерді жарнамалау және насихаттаумен айналысқан. Ол қылмыстық әрекетін мессенджерлер мен әлеуметтік желілерде тіркелмеген телефон SIM-карталары арқылы жүзеге асырған. Олардың әрқайсын тек бірнеше рет қолданып отырған", - делінген хабарламада.
Күдікті тәулігіне орташа есеппен Қазақстанның барлық аумағы бойынша "курьерлерді", "тасымалдаушыларды", түрлі жұмысшыларды, "өлшеп-ораушыларды", "буып-түюшілерді" жалдау туралы 30-дан 50-ге дейін хабарландыру таратып, күніне 10-ға дейін SIM-карта қолданып отырған.
Есірткі қылмысына қарсы іс-қимыл департаменті бастығының орынбасары Бақытжан Әмірхановтің айтуынша, ұсталған адамның үйін тінту барысында байланыс операторларының мыңға жуық SIM-картасы, үш телефон және компьютер процессоры алынған.
"Ол SIM-карталарын жақын маңдағы сауда орталықтарындағы ұялы байланыс бөлімшелерінен сатып алып отырғаны анықталды. Дерек бойынша ҚР ҚК-нің 299-1-бабымен ("Есірткі құралдарын, психотроптық заттарды немесе олардың аналогтарын, прекурсорларды насихаттау немесе заңсыз жарнамалау") қылмыстық іс қозғалды", - делінген ІІМ хабарламасында.
Ол бойынша жаза мүлкі тәркіленіп, алты жылға дейін бас бостандығынан айыруды көздейді. Қазіргі уақытта алынған процессорлар мен телефондар бойынша "компьютерлік технологияларды зерттеу" сараптамасы тағайындалған. Өзге де тергеу әрекеттері жүргізіліп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
