Теміртауда оқ жарақаттарынан мерт болған екі ер адамның мәйіті табылды. Ер адамдардың өліміне қаланың екі тұрғыны күдікті болып отыр, - деп хабарлайды Tengrinews.kz тілшісі.
"Бұл дерек бойынша ҚР ҚК-нің 99-бабы бойынша қылмыстық іс қозғалды. Криминалды полиция қызметкерлері Теміртау қаласының 1986 жылы туған екі тұрғынын күдікті ретінде іздестіріп жатыр", - деп хабарлайды Қарағанды облысы ІІД баспасөз қызметінің жетекшісі Бақытжан Құдияров.
Әзірге оқиғаның мән-жайы белгісіз.
