+7 (777) 001 44 99
ПОДЕЛИТЬСЯ
Сыбайлас жемқорлыққа қарсы іс-қимыл ұлттық бюросының өкілдері Талдықорғанда "ҚазСу шаруашылығы" РМК директоры Сейілхан Мұхамадиевтің 4-қабаттан секіріп кеткенінен кейін жүргізген тергеу жұмыстарының қорытындысын жариялады, - деп хабарлайды Tengrinews.kz тілшісі.
Сыбайлас жемқорлыққа қарсы іс-қимыл ұлттық бюросының өкілдері Талдықорғанда "ҚазСу шаруашылығы" РМК директоры Сейілхан Мұхамадиевтің 4-қабаттан секіріп кеткенінен кейін жүргізген тергеу жұмыстарының қорытындысын жариялады, - деп хабарлайды Tengrinews.kz тілшісі.
"Қызметтік тергеу нәтижесі бойынша, Мұхамадиевтің суицид жасауына жол берген қызметкерлер - Департаменттің аға тергеушісі Д.Д.Асқанов пен Ішкі істер бөлімі департаментінің офицері Р.Алдабергенов жемқорлыққа қарсы күрес қызметінен босатылды", - деп хабарлады ведомство өкілдері.
Сондай-ақ, қоластындағы қызметкерлерді бақыламағаны үшін Департамент басшысы О.Аликов, оның орынбасарлары А.Жұрмағамбетов пен Д.Қаратайдың, Жедел басқарманың басшысы К. Мырзахметов, оның орынбасары Р.Машеков пен бөлім басшысы К.Букуровтың жұмыстан шығарылғаны айтылады.
Мұнымен қоса, ведомство мәліметінше, Тергеу басқармасы бөлім басшысы Ж.Дүйсембеков пен Тергеу басқармасының басшысы Е.Б. Есжановтың қатаң тәртіптік жауапкершілікке тартылғаны хабарланды.
Қазіргі уақытта Алматы облыстық ІІД өкілдері ҚР Қылмыстық кодексінің 105-бабының 1-бөлігі бойынша сотқа дейінгі тергеу жұмыстарын жүргізіп жатыр.
Еске сала кетейік, биыл ақпан айында Талдықорғанда парамен ұсталған шенеунік төртінші қабаттан секіріп мерт болған еді.
