+7 (777) 001 44 99
ПОДЕЛИТЬСЯ
Жетісайда ломбард қызметкерін қарумен қорқытып, 1,2 млн теңге жымқырған күдікті қолға түсті, - деп хабарлайды Tengrinews.kz тілшісі Polisia.kz басылымына сілтеме жасап.
Жетісайда ломбард қызметкерін қарумен қорқытып, 1,2 млн теңге жымқырған күдікті қолға түсті, - деп хабарлайды Tengrinews.kz тілшісі Polisia.kz басылымына сілтеме жасап.
Басылым мәліметінше, Жетісай АПБ-ға қалада орналасқан ломбардтардың бірінің қызметкері арызданған. Оның айтуынша, жұмыс орнына кешкі уақытта басына жаздық бас киім мен бетіне медициналық бетперде тағып алған белгісіз біреу кіріп, қарумен қорқытып, ақша талап еткен. Үрейі ұшқан жәбірленуші сол мезетте күдіктіге кассадағы 1,2 миллион теңгені ұстата салған. Оңай олжалы болған сезікті оқиға орнынан ізін суытқан. Полиция қызметкерлері аталған жайтты ҚР ҚК-нің 191-бабы (Тонау) бойынша тіркеді.
Аталған ауыр қылмысты ашу үшін полиция бөлімінің тәжірибелі қызметкерлерінен жедел-тергеу тобы құрылып, оқиға орнына шұғыл жетті. Полицейлер күдіктіні ізін суытпай құрықтау мақсатында қажетті шараларды жүзеге асырған. Нәтижесінде, бірнеше күн ішінде бейнебақылау камерасындағы жазба арқылы күдіктінің жеке басы анықталған.
"Тәртіп сақшылары күдіктіні тұрғылықты мекенжайынан ұстап, полицияға жеткізді. Ол жұмыссыз, жергілікті тұрғын болып шықты. Күдікті тонау әрекетіне бармас алдын қаладағы бірқатар ломбардтарды бақылап шыққан. Содан жәбірленуші тараптың ломбарды кешкі дейін істейтінін біліп, аталмыш алтын қабылдау орнын тонауды діттеген. Барынша қараңғы түскенін пайдаланып, өз арам ойын жүзеге асырған. Сезікті өз сөзінде бұл әрекетке ақша қажет болғандықтан барғанын айтты. Ал айғақты зат ретінде күдіктінің пневматикалық тапаншасы алынды. Қазір күдікті қамауға алынып, оған қатысты тергеу амалдары жүргізіліп жатыр", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
