ҰҚК прокуратураның үйлестіруімен бопсалау күдігі бойынша Ақмола облысының 2 тұрғынын ұстады, - деп хабарлайды Tengrinews.kz тілшісі.
2024 жылғы 27 ақпанда Ұлттық қауіпсіздік комитеті прокуратураның үйлестіруімен бопсалау күдігі бойынша Ақмола облысының 2 тұрғынын ұстады.
"Тергеу материалдары бойынша, олар шетелдік "вор в законе" деп аталатындардың қамқорлығымен кәсіпкерлерден ақша бопсалаумен айналысқан, осылайша "Бурабай" курорт аймағының бизнес субъектілеріне қылмыстық бақылау орнатуға тырысқан", - делінген хабарламада.
Тінту барысында іс фигуранттарынан атыс және суық қару, сондай-ақ есірткі заттары алынды.
"Қылмыстық кодекстің 194-бабы 3-бөлігінің 2-тармағы бойынша соталды тергеп-тексеру жүргізіліп жатыр.
Соттың санкциясымен ұсталған адамдарға қамауда ұстау түріндегі бұлтартпау шарасы қолданылды", - делінген ҰҚК хабарламасында.
Өзге ақпарат Қылмыстық-процестік кодекстің 201-бабы 1-бөлігіне сәйкес жарияланбайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
