Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 325.00
EUR / KZT - 362.80
CNY / KZT - 47.57
RUB / KZT - 5.50

Үсенов көлік жүргізу құқығынан тағы бір жылға айырылды

14 Ақпан 2014, 12:04
0
Иллюстрация. ©Тengrinews.kz
Иллюстрация. ©Тengrinews.kz
Алты адамды қағып кеткен Мақсат Үсенов көлік басқару құқығынан 2018 жылға дейін айырылды деп хабарлайды Tengrinews.kz тілшісі.

Алматы мамандандырылған ауданаралық әкімшілік соттың судьясы Нұржан Пакердинов Үсеновті "Көлік құралын жүргізушінің жол қозғалысы қауіпсіздігінің белгіленген ережелерін бұза отырып, адам денсаулығына жеңіл нұқсан келтіру" бабы бойынша айыпты деп тануды қаулы етті. Соның нәтижесінде бұған дейін көлік басқару құқығынан екі жылға айырылған Үсенов тағы бұл құқықтан бір жылға айырылып отыр. Оған сонымен бірге 15 АЕК көлемінде айыппұл төлеу туралы үкім шығарылды. Соттың шешіміне 10 күн ішінде шағым келтірілуі мүмкін.

Сот отырысына екі жәбірленуші қатысты. Олардың айтуынша, жол-көлік оқиғасы кезінде жәбірленушілер шок жағдайында болды. Сол себепті оқиғаның кейбір детальдарын есте сақтамаған, Үсеновтің сол кезде мас болған-болмағанын да білмейді. Жәбірленуші тарап айыпталушыға ешқандай талап қоймайтынын айтты. Олардың бірі өзінің емделуі үшін Үсеновтің туыстары ақша төлегенін айтса, екінші жәбірленуші қандай да бір түсінік беруден бас тартты.

Еске сала кетейік, бұл жол-көлік оқиғасы өткен желтоқсан айының бірі күні болған еді. BMW X6 көлігін мінген жүргізуші Мақсат Үсенов алты жаяу адамды қағып кетті, оның бірі сол жерде қайтыс болды. Қылмыстық іс қозғалғанымен, кейін тараптардың өзара ымыраласуына байланысты тоқтатылды. Ал әкімшілік іс бойынша прокурорлардың наразылығынан кейін Алматы қалалық соты Үсеновті 2017 жылға дейін көлік басқару құқығынан айырып, 45 тәулікке қамауға алу туралы шешім шығарған болатын.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай