Халықаралық іздеуде жүрген алаяқтық үшін сотталған қазақстандық Жанар Ахметованы Украинада ұстады. Бұл туралы ҚР ІІМ Мемлекеттік тіл және ақпарат департаментінің директоры Алмас Сәдубаев мәлімдеді, - деп хабарлайды Tengrinews.kz тілшісі.
"Украина территориясында халықаралық іздеуде жүрген Ахметова Жанар Ботаевна ұсталды. Ол ҚР Қылмыстық кодексінің 177-бабы 3-бөлігі (1995 редакция) бойынгша сотталған. 2005 жылдың наурызынан 2008 жылдың қазанына дейін Жанар Ахметова адамдардан 50 миллион теңгеден аса соманы алып, пайызымен қайтарып беремін деп алдап кеткен", - деді Сәдубаев.
Айта кетейік, 2010 жылы тамызда оған қатысты ҚР Қылмыстық кодексінің 72-бабына сәйкес баласының 14 жасқа толғанға дейін, яғни жазасын 2021 жылы 5 қарашадан бастап өтеуі тиіс болған.
