20 қазан 2021 12:43

"Семей Аруы - 2021" анықталды

ПОДЕЛИТЬСЯ

"Семей Аруы - 2021" атағын 21 жастағы Регина Крюкова иеленді, - деп хабарлайды Tengrinews.kz тілшісі.


"Семей Аруы - 2021" атағын 21 жастағы Регина Крюкова иеленді, - деп хабарлайды Tengrinews.kz тілшісі.

Ол Қазақ инновациялық гуманитарлық-заң университетінің төртінші курсында оқиды. Болашақта құқық қорғау органдарына жұмысқа тұруды жоспарлайды.

"Кейбіреулердің жануарларға қарым-қатынасы мені қатты алаңдатады. Жануарларды қатты жақсы көремін, қаңғыбас, ауру жануарларға қараған кезде жүрегім ауырады. Жануарлардың қалай азап шегіп, қиналып жатқанын көрмеу үшін оларға арналған баспана ашқым келеді", - деді ол.

Сондай-ақ, модельдік агенттік ашуды жоспарлайтынын, мықты бет әрлеуші болғысы келетінін айтты. Ол спортпен, бимен, жүзумен айналысқанды ұнатады. Әлемнің түкпір-түкпіріне баруды армандайды.

"Бала кезімнен шығармашылыққа жақын болдым, сондықтан бет әрлегенде осы қырым ашыла түседі. Өзіме ұнайтын іспен айналысқанда, ләззат аламын. Бірақ басты арманым - ата-анамды бақытты ету. Сондықтан анама үлкен үй сатып алғым келеді", - деді ол.

Орыс, қазақ және ағылшын тілдерін меңгерген. Регина тату-тәтті отбасында өскен.

"Анам мектепті үздік бітірген. Содан кейін екі жоғары білім алып, музыка мектебін бітірді, фортепианода керемет ойнайды. Бүкіл отбасымыз - өте шығармашыл жандар. Әжем бала кезінен спортшы. Қазір де гимнастикамен айналысады, үнемі шаңғымен сырғанайды. Бірнеше елде болған. Жас кезінен қаламыздың дамуына белсенді атсалысқан. Атам да әжем мен анам сияқты екі жоғары білім алған. Әуежайда авиатехник болып жұмыс істеген. Фортепианода, аккордеонда ойнай алады, әрқашан әзілдеп жүреді. Інім екінші сыныпта оқиды", - деді Регина отбасы туралы.

Алғаш рет өңірдегі байқаулар онлайн түрде өтіп жатыр. Жұлдызды қазылар алқасы 10 финалистің сауалнамасын қарап, фотосуреттері мен визиткаларын көрді, ZOOM-конференцияда қыздармен сұхбат өткізді. Алғаш рет көрермендер қазылар алқасының отырысын және қатысушылардың сұхбатын көруге мүмкіндік алды.
 
Қазылар алқасында актер Тәуекел Мүсілім, әнші Мәдина Сәдуақасова, "Қазақстан Аруы - 2013" иегері, тележүргізуші Айдай Исаева, KFW негізін қалаушы, дизайнер, стилист AlexChzhen бар.

Бұған дейін Әйгерім Сухинова "Атырау Аруы" атанса, "Түркістан Аруы" 18 жастағы Сұлтанбибі Шахапова, "Ақтөбе Аруы" - Назерке Карманова, "Павлодар Аруы" - Айдана Жұмабекова, "Орал Аруы" - Екатерина Кужекешова, "Алматы Аруы" - Азиза Тоқашева, "Қарағанды Аруы" - Анна Глубоковская, "Шымкент Аруы" Шұғыла Жақсыбекова болған еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Как вам дизайн сайта Tengri News?
Пройти опрос
Читайте также
Join Telegram

Валюта бағамы

 449.3   483   4.85 

 

Ауа райы

 

Редакция Жарнама
Социальные сети