Ғарышкерлері бар "Союз" Қазақстан аумағына сәтті қонды

11 Қыркүйек 2014, 10:45
0
Ғарышкерлері бар "Союз" Қазақстан аумағына сәтті қонды - "Союз" ғарыш кемесінің капсуласы. ©REUTERS
"Союз" ғарыш кемесінің капсуласы. ©REUTERS

Халықаралық ғарыш станциясынан оралған экипажы бар "Союз ТМА-12М" ғарыш кемесінің капсуласы Қазақстанның белгіленген ауданына қонды, - деп хабарлайды РИА Новости

Ғарыш кемесі Жезқазғаннан оңтүстік-шығысқа қарай 147 шақырым қашықтыққа қонды. Іздестіру-құтқару тобының жауынгерлері Жерге оралған ғарышкерлерді аппараттан шығарды, олардың жағдайы қалыпты. "Союздың" қонуы кезінде 200-ге жуық әскери қызметші, 14 Ми-8 тікұшағы, Ан-12 және Ан-26 ұшақтары және жол талғамайтын алты автотехника қауіпсіздікті қамтамасыз етті.

Жерге Халықаралық ғарыш станциясында 170 тәулік уақыт өткізген Александр Скворцов пен Олег Артемьев және НАСА астронавты Стивен Суонсон оралды. ХҒС бортында ресейлік Максим Сураев, америкалық Рид Уайсмен және еуропалық Александр Герст қалды.

"Байқоңырдан" ғарышқа келесі жаңа экспедиция 26 қыркүйекте "Союз ТМА-14М" кемесімен аттанады. Экипаж мүшелері - Ресей ғарышкерлері Александр Самокутяев, Елена Серова және НАСА астронавты Барри Уилмор. 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай