Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Қазақстандық плазмалық қондырғыға қызығушылар бар

13 Маусым 2014, 19:17
0

Қазақстанда жасап шығарылған ТЭЦ-тегі көмірді жағуға арналған плазмалық қондырғыға Түркия қызығушылық танытуда. Бұл туралы Tengrinews.kz тілшісіне жоба авторы, Қазақстан ұлттық ғылыми кеңесінің энергетика жөніндегі төрағасының орынбасары Владимир Мессерле мәлім етті.

Ғалым Түркияда кен орындары өте аз болғандықтан жергілікті энергетиктер көмірдің жылдам жанып кетпеуінің жолдарын қарастыруда. "Бізде көмірді газификациялайтын плазмалық технология бар. Біз оларға сапасы төмен қоңыр тасты қалай қыздыратынын көрсеттік. Қондырғы түркиялықтардың көңілінен бірден шықты. Енді олар бізге қоңыр тас өндірілетін Измир ауданы аумағына электр станциясын салуға қолқа салып отыр", - деді Мессерле.

Одан бөлек плазмалық қондырғыға Қырғызстан да қызығушылық танытып, Бішкектегі электр станциясына орнатуды көздеп отырған сыңайлы. Алайда қырғызстандық энергетиктер дәл қазір ол қондырғыны орнатуға қаржы таба алар емес. Ғалымның айтуынша, Қырғызстан бұл жобаны Кедендік Одаққа кіргенге дейін шегеріп қойыпты.

Ұлттық ғылыми кеңестің өкілдері жаңа қондырғыны өз еліміздегі Астана, Ақсу мен Өскемендегі энергетикалық кешендерге орналастыру бойынша келіссөздер жүргізуде.

Бұған дейін хабарланғанындай, плазмалық қондырғы Алматыдағы ТЭЦ-2-де сынақтан өткен болатын. Алайда ол уақытта сынақ аса сәтті өте қоймағаны айтылған. Осыған байланысты отандық ғалымдар бұл қондырғыны одан әрі жетілдіру жолдарын қарастыруға кіріскен еді.

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай