1. Басты
  2. Біл
  3. Техно
  4. Денсаулық

Дәрігер пневмонияның алғашқы симптомдарын атады

Фото:elements.envato.com Фото:elements.envato.com

"Астана медицина университеті" КЕАҚ отбасылық медицина кафедрасының меңгерушісі Наталья Латыпова пневмонияның алғашқы симптомдарын атады, - деп хабарлайды Tengrinews.kz тілшісі.

Медицина ғылымдарының докторы аурудың симптомдары бірден емес, шамамен 5-7-і күні респираторлық кезеңде пайда болатынын айтады.

"Алғашқы симптомдар жөтел, ентігу, ыңғайсыздық, тыныс алудың қиындауы және кеуде ауыруы болуы мүмкін. Төменгі тыныс алу жолдарының зақымдануының белгісі - бұл симптомдардың біртіндеп өршуін білдіреді", - деді Наталья Латыпова.

"Егер бұл симптомдар әрі қарай өршімесе және температура 7 күннен артық көтерілмесе, онда алаңдатудың қажеті жоқ деп ойлаймын. Бұл антибиотиктерді қабылдауға немесе компьютерлік томографиядан өтуге себеп емес. Адам 2-3 күн бойы симптомдардың күшейіп жатқанын байқаса, онда бұл өкпенің қатты зақымдануының белгісі болуы мүмкін. Бұл жағдайда зерттеу жүргізіп, емдеу әдісін өзгерту қажет", - деді Латыпова.

Қазақстан жаңалықтары. Соңғы жаңалықтар. Telegram желісінде бізге жазыл!