Нұр-Сұлтанда № 1 көпбейінді қалалық аурухана инфекциялық стационар ретінде пайдаланылып жатыр. Бұл туралы қоғамдық денсаулық сақтау басқармасының басшысы Сәуле Қисықова айтты, - деп хабарлайды Tengrinews.kz тілшісі.
"Үлкендерге де, балаларға да шұғыл медициналық көмек көрсетіліп жатыр. Қалалық көпбейінді ауруханада гематологиялық, токсикологиялық, неврологиялық бөлімдер ашылды. Себебі № 1 көпбейінді қалалық аурухана инфекциялық және профизорлық стационар ретінде пайдаланылып жатыр", - деді Қисықова ОКҚ онлайн-брифингте.
Оның айтуынша, жарақат не күйік шалғанда Ұлттық травматология және ортопедия ғылыми-зерттеу институтына жүгінуге болады. Ал онкологиясы бар науқастарға Көпбейінді медициналық орталық көмек көрсетеді.
"Жүкті әйелдерді қаланың екі перинаталдық орталығы қабылдайды. Ал коронавирус жұқтырған жүкті әйелдер № 2 Перинаталдық орталыққа барады. Сондай-ақ № 1 және № 2 көпбейінді балалар стационарлары штаттық режимде жұмыс істеп тұр", - деп түйіндеді сөзін басқарма басшысы.
Қазақстан жаңалықтары. Соңғы жаңалықтар. Telegram желісінде бізге жазыл!