Мамандар артық салмақтан арылғысы келетін адамдардың басты қателігін айтты. Диетологтардың пікірінше, қоректенетін тағам түрлерін бірден азайту денсаулыққа тек кері әсерін тигізуі мүмкін. Бұл туралы iz.ru басылымы жазады.
Басылымның мәліметінше, салмақ тастағысы келетін адам аз қоректене бастаса, осы стресс жағдайында метаболизм процесі баяулап, ағза май талшықтарын сақтап қалуға "тырысады", деп жазады "Федеральное агентство новостей".
Мұндай жағдайда ашығумен өткен бірнеше аптада салмақ өзгеріссіз қалады, тіпті өсуі де мүмкін.
Сондықтан, мамандардың айтуынша, салмақтан арылғысы келетіндер рациондағы жасұныққа, өсімдік ақуызына және майға бай азық-түлікті көбейтіп, көмірсуды азайтып, көп су ішу керек және спортпен айналысу керек.
