Павлодарда 50 жастағы әйел 11-қабаттан құлап кетті, - деп хабарлайды Tengrinews.kz тілшісі. Алған жарақатынан ол оқиға орнында қайтыс болды.
Павлодарда әйелдің мәйітін 16-үйдің ауласынан тапқан. Өңірлік ішкі істер департаментінің баспасөз қызметінің мәліметінше, оқиға 24 шілдеде кешкі уақытта болған. Әйел адам балконнан құлап кеткен.
"24 шілдеде шамамен сағат 17:00-де Тәуелсіздік көшесінің бойында 11-қабаттан құлаған әйелдің мәйіті табылды. Осы дерекке қатысты сотқа дейінгі тергеу шаралары ҚР Қылмыстық кодексінің 105-бабы бойынша жүріп жатыр", - деді Павлодар облыстық ІІД баспасөз қызметінің өкілдері.
Сонымен қатар, полициядағылар, әйел адамның мүрдесі сот-медициналық сараптамаға жіберілгенін айтты. Денсаулық сақтау басқармасының мәліметінше, әйел адамның жасы 50-де болған. Ол жедел жәрдем келгенге дейін қайтысм болған. Куәгерлердің айтуынша, мәйіттің жанында күнге қарсы көзілдірік жатқан.
Айта кетейік, маусымда Павлодар тұрғына 31 жастағы мер адам 14-қабаттан құлап кеткен еді.