Маңғыстауда заңсыз айналымнан 1500-ден аса бір реттік доза болатын синтетикалық есірткі алынды, - деп хабарлайды Polisia.kz.
5 қазанда сағат 20:45 шамасында "Қарасора – 2023" республикалық жедел-профилактикалық іс-шарасы және Маңғыстау облысы полиция департаменті есірткі қылмысына қарсы іс-қимыл басқармасының қызметкерлері өткізетін жедел-іздестіру іс-шараларының кешені шеңберінде Ақтау қаласының 13-шағын ауданында 23 жастағы жігіт аса ірі мөлшерде есірткі заттарын өткізу мақсатында заңсыз сақтағаны үшін ұсталды.
"Тәркіленген мефедрон синтетикалық есірткі затының салмағы – 200 грамм. Сондай-ақ, ұсталған адам салмағы 170 грамм болатын экстази есірткі қоймасын көрсетті. Заңсыз айналымнан алынған синтетикалық есірткі құралдарының жалпы салмағы – 370 грамм", - делінген хабарламада.
Бұл дерек ҚР ҚК-нің 297-бабы 3-бөлігі бойынша Ақтау қаласы ПБ СДТБТ-ға тіркелді. Соттың санкциясымен күдікті 2 ай мерзімге қамауға алынды. Тергеу мүддесі үшін өзге ақпарат жарияланбайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
