1. Басты
  2. Біл
  3. Оқиға
  4. Тосын жай

Ақтауда атаулы әлеуметтік көмек алу үшін кезекте тұрған әйелдер жұлысты

Видеодан алынған кадр Видеодан алынған кадр

Ақтауда атаулы әлеуметтік көмек алу үшін кезекте тұрған әйелдер жұлысты, - деп хабарлайды Lada.kz.

Басылымның мәліметінше, бұл оқиға 11-ықшамауданда болған. Әйелдердің жұлысқаны түсірілген видео әлеуметтік желілерде таралды.

Бұл оқиға кеше, 25 ақпанда болған.

"Әйелдерге мүгедек және емшектегі балаларын қалдырып, осында келу керек болды. Мемлекет бізге көмек көрсетті, оған рақмет. Азық-түлік алу үшін үш кезекте тұру қажет", - дейді видео авторы.

Ақтау қалалық Еңбекпен қамту және әлеуметтік бағдарламалар бөлімінің басшысы Гүлнар Хайрлиева осы жағдайға қатысты пікір білдірді. Оның айтуынша, екі әйел сөзге келіп, жанжал шығарған.