Ақтауда жол талғамайтын көлік жүкті әйелді соғып, 30 метрге ұшырып жіберген

17 Мамыр 2017, 22:33
0
Ақтауда жол талғамайтын көлік жүкті әйелді соғып, 30 метрге ұшырып жіберген -

Ақтауда №1 қалалық емхананың маңында жаяу жүргіншілер жолында Toyota Hilux көлігінің жүргізушісі келіншекті қағып кетті. Зардап шегуші Маңғыстау облыстық аурухананың жедел көмек көрсету бөлімшесіне жатқызылды, - деп хабарлайды "Лада".

Дәрігерлердің айтуынша, 1979 жылғы келіншек ауыр халде түскен. "Зардап шегушінің бас-сүйегі жарақаттанған, миы шайқалған, кеуде тұсы мен құрсақ қуысынан жарақаттар алған. Қазір жәбірленуші реанимациялық залда тексерістен өтіп жатыр. Оның жағдайы ауыр деп бағаланып отыр", - деді шұғыл жәрдем бөлімінің меңгерушісі Нәдірқожа Мұсаев. 

"Тумба" басылымының мәліметінше, зардап шеккен әйел жүкті болған. Ол емханадан шығып, жаяу өткінші жолымен өтіп бара жатқан жерінен көлік қағып кеткен. 

Куәгерлердің айтуынша, әйел соққыдан 30 метрге ұшып кетіп, тасжолға басымен соғылған. Осы жолмен кездейсоқ жүріп бара жатқан жедел жәрдем алып кеткен кезде ол есінен танып жатқан. 

Тағы бір куәгерлер көліктің әйелді 18 метрге дейін сүйретіп барғанын айтып отыр. Ал жүргізуші мас болған делінеді. Куәгерлер оны көлігінде жауып ұстап, полиция шақыртқан екен. 


Фото: lada.kz/tumba.kz


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай