+7 (777) 001 44 99
ПОДЕЛИТЬСЯ
Маңғыстау облысында колония ғимараты құлады. Екі адам қаза тауып, жеті адам жараланды, - деп хабарлайды Tengrinews.kz тілшісі.
Маңғыстау облысында колония ғимараты құлады. Екі адам қаза тауып, жеті адам жараланды, - деп хабарлайды Tengrinews.kz тілшісі.
ІІМ Қылмыстық-атқару жүйесі комитетінің баспасөз қызметі мәліметінше, бүгін сағат 16.00-де (Нұр-Сұлтан уақыты бойынша) Маңғыстау облысы бойынша ҚАЖ департаментінің ГМ-172/6 мекемесінде сотталғандарға арналған жатақханалардың бірінің екі қабатты ғимараты ішінара қираған.
"Қазіргі уақытта оқиға кезінде жатақхана ішінде 10 адам болғаны анықталды, олардың 9-ы шығарылды. Нәтижесінде 2 сотталған адам алған жарақаттарынан қайтыс болды, қалғандарының жағдайы қанағаттанарлық. Мұқият тексеру үшін жәбірленушілер ауруханаға жеткізілді", - деп ақпарат берді ведомстводағылар.
Сонымен қатар, мекемеде ТЖД авариялық-құтқару бригадасы, полиция департаментінің, прокуратураның қызметкерлері жұмыс істегені, арнайы техника тартылғаны, тағы бір сотталушыны іздеу жұмыстары жүргізіліп жатқаны айтылады.
ҚАЖ комитеті өкілдері 8 (7172) 72-30-40 (Нұр-Сұлтан), 8-776-677-80-77 нөмірлері бойынша сотталғандардың туыстары үшін тәулік бойы call-орталық ашылғанын хабарлады.
"Министрдің орынбасары Арыстанғани Заппаровтың басшылығымен арнайы комиссия құрылды, оған ҚАЖ комитетінің басшылығы, ұлттық алдын алу тетігінің қатысушылары кірді. Комиссия мүшелері оқиғаның мән-жайын анықтау үшін оқиға орнына шықты. Бұл дерек бойынша сотқа дейінгі тергеу басталды, қызметтік тексеру жүргізіліп жатыр. Жағдай ІІМ басшылығының ерекше бақылауында", - деп қорытындылады ведомствоғылар.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
