Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 326.88
EUR / KZT - 364.90
CNY / KZT - 47.85
RUB / KZT - 5.47

Ақтөбе дәрігерлері науқасты сотқа бермекші

13 Ақпан 2014, 10:38
0
Жарақат алған Айгул Ақжігітова  "Диапазон" газетінің суреті
Жарақат алған Айгул Ақжігітова "Диапазон" газетінің суреті
Ақтөбе облысында тосын оқиға орын алды. Суицид әрекетке барған әйел жедел жәрдеммен ем-дом пунктіне жеткізілгенде ондағы медбике мен тағы басқа қызметкерлер қансырап жатқан науқас өздеріне тап береді деп әсте ойламаса керек. "Бүкіл ауданды, қала берді, облысты елең еткізген бұл жайтты "Диапазон" газеті жазып отыр" деп хабарлайды Tengrinews.kz.

Оқиға негізі өткен аптада болған екен. Жасы 27-лер шамасындағы әйел өзінің тамырын өзі кесіп, жағдайы нашарлап кеткен соң сол сәтте қасында болған ер адам көмек шақырған-ды. Дәрігерлер оның жарақатын таңып, тиісті шаралар жасай бастаған кезде, әйел дүлей соққандай жан-жағында тұрғандардың барлығына атылып, ұрып-соғып, салдарынан медбикенің миы шайқалыпты.

"Әдеттегідей кезекшілікте сол күні менен басқа дәрігер мен санитар әйел болды. Хирург басқа науқасқа жәрдем беруге шығып кеткені сол еді, әйел өзінен-өзі долдана бастады. Қолын дәкемен таңып берейік десек, өзінің қансырап жатқанына қарамастан, мені қылғындырып, ұзын тырнақтарымен мойнымды осып жіберді. Жарақаты терең болып, мойным қанға боялды. Қорғанып, "қазір полиция шақырамын" деп жанұшыра айқай салған едім, ол қашып кетті", - дейді, теміржол ауруханасының медбикесі Айгүл Ақжігітова.

Аурухана қызметкерлері ол әйелді сотқа бермекші. Бұл жайында аурухана бас дәрігерінің орынбасары Зәмзә Хайруллина былай дейді: "Науқасты жедел жәрдем бригадасы ауруханаға әрең алып келіпті. Негізі олар жындыхана қызметкерлерін шақырмақ болған екен, оның қасындағы жігіт "ауруханаға алып барыңыздаршы" деп қиылыпты. Қазір белгілі болып отырғаны – оның есімі – Гүләйім. Жасы – 27-де. Тегі белгісіз. Енді сотқа шағым жазбақшымыз. Жарақат алған медбике бірнеше күн бойы емделіп жүрді. Миы шайқалған оған оңай тиген жоқ. Дәрігерлер мен медбикелердің де құқықтары бар".

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай