Ақтөбе облысында автобус аударылып, 9 адам қаза тапты

22 Маусым 2017, 16:00
0
Ақтөбе облысында автобус аударылып, 9 адам қаза тапты - © time.kz
© time.kz

Ақтөбе облысында 52 адам отырған автобус аударылып кетті, - деп хабарлайды Тengrinews.kz тілшісі ҚР ІІМ ТЖК-ның ресми өкілі Руслан Иманқұловқа сілтеме жасап. 

Оқиға Ақтөбе облысындағы Қарабұлақ ауылының маңында болған. Волгоград - Шымкент бағытында кетіп бара жатқан екі қабатты автобус ішінде 52 адам болған. Ондағы 50 адам Өзбекстан, ал екеуі Қазақстан азаматы болған. 

Автобустың аударылуынан Өзбекстанның 9 азаматы мерт болып, 18 адам ауруханаға жеткізілді (оның бірі Қазақстан азаматы). 25 адамға оқиға орнында медициналық көмек көрсетілді. 

Жол апаты болған орынға Қарабұлақтағы Апат медицинасы орталығынан 9 құтқарушы мен 2 техника жөнелтілген. Ал облыстық ТЖД қызметінен 7 адам және бір техника жіберілді. Сонымен бірге, оқиға болған жерге екі жедел жәрдем көлігі мен полицейлер барған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай