Ақтөбеде бес жасар бала із-түссіз жоғалып кетті

11 Қазан 2014, 21:06
0
Темірлан Сандыбаев
Темірлан Сандыбаев

Ақтөбеде бес жасар бала із-түссіз жоғалып кетті, - деп хабарлайды Tengrinews.kz тілшісі. 

Ақтөбе облыстық ІІД бес жасар балаға іздеу жариялады. Темірлан Сандыбаев 10 қазан күні шамамен жергілікті сағат 10-дарда жоғалған. Анасы баланы есіктің алдына ойнауға шығарып, өзі 15 минутқа кетіп қалған. Бірақ аулаға қайтып келгенде ол өзінің баласын таппай қалған. 

Айта кетейік, баланың үстінде қайырылмалы бас киімді ақ күрте, сұр мойынорағыш, құлақшын, көгілдір түсті спорттық шалбар және қара түсті аяқ киімі болған.

Темірлан Сандыбаевтың туыстарының айтуына қарағанда, оның дене бітімі орташа, бойы 110-112 сантиметр, қара торы өңді, дөңгелек көзді, шашы қара-қоңыр түсті екен. Баланың туыстары мен полиция Темірланның қайда жүргенін білетін адамдар болса дереу Ілек полициясы бөлімшесіне хабарласуын сұрайды.


Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай