Алматы-Астана тас жолында жолаушылар автобусы өртеніп кетті, - деп хабарлайды Tengrinews.kz тілшісі.
Оқиға 22 мамырда 22:00-де болған. Алматы облыстық ТЖД баспасөз қызметінің мәліметінше, өрт республикалық 56 шақырымында Чапаев ауылының маңында болған.
ТЖД суреті
"Жезқазған-Алматы тас жолында VANHOOL маркалы автобусында өрт шықты. Өрт 22:24-те ауыздықталып, 23:10-да толығымен сөндірілді. Автобустың ішінде сегіз адам болған. Олар өздігінен эвакуацияланған. Қаза тапқандар мен зардап шеккендер жоқ", - деді ведомство баспасөз қызметінің өкілдері.
ТЖД суреті