Алматы тауларындағы өзендерде су тасқыны болуы мүмкін, - деп хабарлайды Tengrinews.kz тілшісі "Қазгидромет" кәсіпорнына сілтеме жасап.
Синоптиктердің мәліметінше, су тасқыны 6-10 ақпанда ауа температурасының жоғарылап, жауын-шашынның түсуі салдарынан болады.
Бұған дейін синоптиктер 6-8 ақпанда еліміздің басым бөлігінде қар жауатынын айтқан еді. Олардың мәліметінше, дүйсенбіде тропосфералық ағындар оңтүстік-батыстан солтүстік-батысқа қарай ауысып, Кольск түбегі ауданынан суық ауа Қазақстанның солтүстік жартысына жайыла бастайды.
