Алматыда КамАЗ жүк көлігі өртенді, - деп хабарлайды Tengrinews.kz тілшісі қалалық ТЖД баспасөз қызметіне сілтеме жасап.
Оқиға Абай даңғылы мен Сайын көшесінің қиылысында болды. Хабарлама "101" пультіне сағат 13.50-де келіп түсті. Өрт сағат 14.11-де ауыздықталды. Өртті сөндіруге екі техника мен жеке құрамнан 12 адам жұмылдырылды. Өрттің шығу себебі анықталып жатыр, ешкім зардап шеккен жоқ. Баспасөз қызметі КамАЗ көлігінің жол құрылысымен айналысатын "Жол" ЖШС-на тиесілі екенін хабарлады.
© Алматы ТЖД
