Қытай аумағында магнитудасы 4,4-ке тең жер сілкінісі болды, - деп хабарлайды Tengrinews.kz тілшісі ҚР БҒМ Ғылым комитетінің Сейсмологиялық тәжірибе-әдістемелік экспедициясына сілтеме жасап.
Жерасты дүмпулері 1 қыркүйек күні сағат 00.26-да тіркелді. Жер сілкінісінің эпицентрі Алматыдан оңтүстікке қарай 285 шақырым қашықтықта болды. Зілзаланың энергетикалық класы - 9,6, тереңдігі - 10 шақырым. Зардап шеккендер мен қаза тапқандар туралы ақпарат жоқ.
Еске сала кетейік, 17 тамызда Қазақстан аумағында магнитудасы 4,8-ге тең жер сілкінісі болды. Жерасты дүмпуі Астана уақыты бойынша 17 тамызда сағат 12.08-де тіркелді. Жер сілкінісінің ошағы Алматының солтүстігіне қарай 251 шақырым қашықтықта болды. Зілзаланың энергетикалық класы - 10,1, тереңдігі - 15 шақырым. Зардап шеккендер мен қаза тапқандар туралы ақпарат жоқ.