Алматы маңында бірнеше қар көшкіні болды

03 Ақпан 2014, 11:04
1
Алматы маңында бірнеше қар көшкіні болды - Фото ©Ярослав Радловский
Фото ©Ярослав Радловский
Алматы маңында бірнеше рет қар көшті деп хабарлайды Tengrinews.kz ҚР Төтенше жағдайлар министрлігіне сілтеме жасап.

"Шымбұлақ" қарлы-көшкінді стансысының мәліметінше, тау баурайында қардың шамадан тыс болуы 1 ақпан күні Кіші Алматы өзені бассейнінің жоғарғы жағында жалпы көлемі 2 мың текше метр болатын екі қар көшкінінің жүруіне себеп болды. Көшкіндер өзенге дейін жетті. Шығын жоқ", - делінген министрліктің хабарламасында.

Сондай-ақ, "Ақбұлақ" шипажайлы-сауықтыру кешені гидротұрағының мәліметінше, 2 ақпан күні тау баурайында қар салмағының шамадан тыс болуынан Солдатсай шатқалында жалпы көлемі 12 мың текше метрге жуықтайтын тағы бірнеше көшкін жүрген. Зардап шеккен адамдар мен нұқсан келген нысандар жоқ.

Еске сала кетейік, бұған дейін Алматы облысында 30 жастағы ер адам көшкіннің астында қалып, қайтыс болған еді. Қайғылы оқиға Талғар ауданында тіркелді. 31 қаңтар күні "Ақбұлақ" кешенінде көшкіннің алдын алу жұмыстары кезінде оқыстан қар сырғып, ер адамды басып қалған. Оның денесін қар астынан сауықтыру кешенінің құтқарушылары алып шықты.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай