1. Басты
  2. Біл
  3. Оқиға
  4. Тосын жай

Алматы облысында ер адам жол апатынан қаза тапты23 шілде 2020, 17:57

Алматы облысында ер адам жол апатынан қаза тапты, деп хабарлайды Tengrinews.kz тілшісі Polisia.kz порталына сілтеме жасап. 

Облыстық полиция департаментінің хабарлауынша, қайғылы оқиға 21 шілдеде сағат 22.27-де болған. Mazda көлігін тізгіндеген жүргізуші Алматы - Өскемен тасжолының оңтүстік бағытында жүріп бара жатқан. Алайда Қапшағай қаласынан 5 шақырым жерде ол сиырды соққан. 

"Көлік жүргізушісі мен жолаушы зардап шеккен. Олар ауыр халде Қапшағай қаласындағы ауруханаға жеткізілді. Алайда жолаушы алған жарақаты салдарынан жансақтау бөлімінде көз жұмды", - делінген хабарламада.

Жол апатында сиыр да өлген. Бұл факт ҚР Қылмыстық кодексі бойынша сотқа дейінгі тергеу реестрінде тіркелді.

"Тиісті сот-медициналық сараптамасы тағайындалды. Жол апатының нақты себебі сотқа дейінгі тергеу барысында анықталады", - делінген хабарламада.

Қазақстан жаңалықтары. Соңғы жаңалықтар. Telegram желісінде бізге жазыл!