Алматы облысында жоғалған 3 жасар қыз 3 күннен бері іздестіріліп жатыр, - деп хабарлайды Tengrinews.kz тілшісі. Іздестіру әлі нәтиже бермеді.
"Қыз әлі табылған жоқ, оны іздеу жалғасып жатыр", - деп хабарлады Алматы облыстық полиция департаменті.
Төтенше жағдайлар министрлігі мәліметінше, баланы іздеуге "Қазавиақұтқару" тікұшағы жеткізілген. Іздеу орнында жедел штаб құрылды.
"Іздеу жұмыстарына 300-ге жуық адам және 80-ге жуық техника, 4 пилотсыз ұшу аппараты, аңшылық шаруашылығы қызметкерлері, жергілікті тұрғындар, еріктілер, сондай-ақ "Қазавиақұтқару" тікұшағы жұмылдырылды", - деп хабарлады ТЖМ баспасөз қызметі.
Іздестіру орнында үзіліссіз байланысты қамтамасыз ету үшін төтенше жағдайларды жою командалық-штабтық автокөлігі орналастырылып, жұмыс істейді. Іздеу жалғасып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
