Алматы облысы Алакөл ауданы Бескөл аулында ерекше селфи жасағысы келген екі жігіт қаза тапты, - деп хабарлайды Tengrinews.kz тілшісі.
Аймақтың ТЖД баспасөз қызметінің хабарына қарағанда, қайғылы оқиға 20 тамызда сағат 19:19-да Бескөлден бір шақырым жердегі балық зауытының маңында болған.
"Суретке түсу кезінде 2004 және 2005 жылы туған екі жасөспірім қаза тапты, 2004 жылы туған үшінші жасөспірімнің оң жақ аяқ-қол сүйектері сынып, Үшарал ауруханасына жеткізілді.
Құтқарушылар оқиға орнына жеткенде 1991 жылдан бері жұмыс істемейтін екі қабатты ғимараттың ішінде жасөспірімдерді бетон плита басып қалғаны белгілі болды", - делінген хабарламада.
Құтқару жұмыстарын жүргізу үшін Алматы облысы Төтенше жағдайлар департаментінің құтқарушылары, жедел медициналық қызметкерлер, жұмысшылар, бірнеше техника жұмылды.
Фото: Алматы облысы ТЖД баспасөз қызметі
Қазақстан жаңалықтары. Соңғы жаңалықтар. Telegram желісінде бізге жазыл!