Алматы тұрғындары жер сілкінісін сезді. Бұл туралы қалалықтар хабарлап жатыр, - деп жазады Tengrinews.kz тілшісі.
"Қаскелеңде тұрамын. Қатты сілкінді. Иә. Газ сілкінді", - деп хабарлады тұрғындардың бірі.
"Шам сілкініп тұрды. Жиһаздар да", - дейді басқа тұрғындар. Алматылықтар зілзала туралы әлеуметтік желілерде де жазып жатыр. Олардың айтуынша, жерасты дүмпулері ұзаққа созылған. "2 минуттай сілкінді", - дейді алматылықтар.
Еуропа-Жерорта теңізі сейсмологиялық орталығының сайтындағы мәлімет бойынша, зілзаланың ошағы Алматыдан солтүстік-шығысқа қарай 68 шақырымда , Қапшағайдан оңтүстік-шығысқа қарай 24 шақырым жерде болған. Жерасты дүмпулері 8 шақырымда болған.
Ал ҚР БҒМ Ғылым комитетінің Сейсмологиялық тәжірибе-әдістемелік экспедициясының мәліметіне сенсек, зілзала магнитудасы 5,5 болған.
