Алматыда балалар арбасы ұрланған сәт видеоға түсіп қалды

24 Қараша 2016, 19:55
0
Алматыда балалар арбасы ұрланған сәт видеоға түсіп қалды -

Алматы тұрғыны қымбат тұратын балалар арбасының қалай ұрланғанын айтып берді, - деп хабарлайды Tengrinews.kz тілшісі.

Әйелдің айтуынша, бұл оқиға 15 қарашада "Таугүл" ықшамауданында болған. "Кешке үйге келдік. Әдеттегідей арбаны баспалдақ жаққа қарай қойып қойдық. Видеоны бірнеше рет қарап шықтық. Видеодағы ер адам бастапқыда 16-қабатқа көтерілген. Кейін төменгі қабаттарға түсіп, әр қабатты қарап шығады. Жарты сағат ішінде барлық қабатты аралап шығады. Содан 4-қабатқа келісімен, қолғабын киіп, біздің балалар арбамызды алып кетеді. Ол біздің қабатта балалар арбасы бар екенін білген сияқты", - дейді әйел.

Сондай-ақ, әйел арбаның жоғалғанын шамамен таңғы сағат 8.00-де көріп, бірден полицейлерге хабарлағанын айтты. "Егер де ол зат 30-35 мың болса, ештеңе болмас еді. Бірақ біз оны қымбатқа сатып алған болатынбыз. Баламызға неврологиялық диагноз қойылған. Бұл балалар арбасы әлі өз бетімен жүре алмайтын, бес жасқа дейінгі балаларға арналған. Қазір базарда мұндай арбалар шамамен 230 мың теңге тұрады. Біз оны былтыр сатып алдық. Ақшасын бөліп төлеп жүрдік", - дейді алматылық тұрғын.

Сонымен қатар, алматылық әйел "Таугүл" ықшамауданының тұрғындарына абай болуын ескертті. 

Ал қалалық ІІД өкілдері бұл оқиға бойынша тергеу жұмыстарының басталғанын айтты. Олардың айтуынша, бұл дерек тергеудің бірыңғай реестріне "Тонау" бабы бойынша тіркелді. "Күдікті анықталды. Жедел тергеу тобы қылмысты ашу мақсатында кешенді тергеу шараларын жүргізіп жатыр", - деді полицейлер.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай