Алматыда Гай Фокстың маскасын киген жігіттер букмекерлік кеңсені тонады

24 Желтоқсан 2017, 12:01
0

Алматыда Гай Фокстың маскасын киген жігіттер букмекерлік кеңсені тонап кетті. Оқиғаның видеосын оқырмандардың бірі редакцияға жолдады, - деп хабарлайды Tengrinews.kz.

Бейнебақылау камерасының жазбасына қарағанда, оқиға бүгін, таңғы сағат 04.30-да болған.

Гай Фокстың маскасын киген үш жігіт, кеңсеге баса-көктеп кірген. Біреуінің қолында ағаш бар. Ал басқаларының қолында тапаншаға ұқсас зат болған. Олар ақшаны ала сала, оқиға болған жерден асығыс кетіп қалды. Кеңсе қызметкерлерінің ешқайсысы айтарлықтай зардап шекпегенін кадрдан көруге болады.

Видеоны оқырмандар жолдады.

Айта кетейік, желтоқсан айының басында Ақтөбе қаласындағы букмекерлік кеңсеге жасалған қарақшылық шабуылдың видеосы жарияланған еді. Ол кезде Ақтөбе облыстық ІІД баспасөз қызметі 29 қарашада түнгі 3:30 шамасында букмекерлік кеңсеге белгісіз үш адамның баса көктеп кіргенін айтты. Олардың бірі бетперде киген, ал екеуі - көзі ғана ашылған баскиімде болған. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай