Алматыда жедел жәрдем көлігі мен жеңіл автомобиль соқтығысты, зардап шеккендер бар, - деп хабарлайды Tengrinews.kz тілшісі Алматы қаласы полиция департаментінің баспасөз қызметіне сілтеме жасап.
"13 наурызда Hyundai H-350 жедел жәрдем көлігінің 1978 жылғы жүргізушісі Байтұрсынов көшесінің бойымен солтүстік бағытта келе жатып, Жамбыл көшесінің қиылысында жол-көлік оқиғасына ұшырады.
Ол Жамбыл көшесімен шығыс бағытта келе жатқан Ravon маркалы автокөлігімен соқтығысты. Салдарынан жеңіл автомобилінің 1986 жылғы жүргізушісі зардап шекті. Оны оқиға болған жерде дәрігерлер қарап, үйіне жіберді", - делінген хабарламада.
Оқиғаны Алмалы аудандық полиция басқармасы тергеп жатыр.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
