+7 (777) 001 44 99
ПОДЕЛИТЬСЯ
Tengrinews.kz тілшісі Алматыда құлаған ұшақ туралы мәлімет іздестірді.
Tengrinews.kz тілшісі Алматыда құлаған ұшақ туралы мәлімет іздестірді.
ТЖМ мәліметінше, апат туралы ақпарат 13 наурызда сағат 17.25-те түскен. Нұр-Сұлтан-Алматы бағытындағы Ан-26 әскери ұшағы радардан жоғалып, Алматы әуежайына апатты жағдайда қонған.
Ан-26 - Антонов конструкторлық бюросында жасалған кеңестік әскери ұшақ.
Ашық ақпарат көздеріне сүйенсек, бұл бастапқы АН-24 моделінің модификациясы. Ұшақ жүк тиеуге және оны түсіруге ыңғайлы құрастырылған. Ан-26 екі АИ-24ВТ турбиналы-винтті қозғалтқышпен және негізгі қозғалтқыштың оң гондоласында орнатылған бір қосымша РУ-19А-300 реактивті қозғалтқышпен жабдықталған.
Дереккөздің мәліметінше, мұндай типтегі ұшақтар Әуе қорғанысы күштері мен ҰҚК Шекара қызметінде қолданылады.
Еске салайық, бұған дейін Алматыда ұшақ құлағаны хабарланған болатын.
Посмотреть эту публикацию в Instagram
Алматы қалалық қоғамдық денсаулық сақтау басқармасының баспасөз қызметі ұшақ бортында болған төрт адам қаза тапқанын, екеуі зардап шеккенін мәлімдеді.
"Оқиға болған жерде өрт сөндіру бөлімінен 9 адам, бір техника және Республикалық жедел-құтқару жасағының бір кинологиялық есебі, Алматы құтқару қызметінен 5 адам, бір техника барды.
Сондай-ақ, Алматы облысының "ӨСжАҚЖҚ" ММ-нің 2 техникасы мен Ұшуды авариялық-құтқарумен қамтамасыз ету қызметінің 4 техникасы жұмыс істейп жатыр", - деді ТЖМ өкілі.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
