Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

Алматыда мектеп автобусының қатысуымен болған жол апаты: Зардап шеккен бес бала ауруханадан шықты

22 Мамыр 2015, 15:49
0
© Ярослав Радловский
© Ярослав Радловский

Дәрігерлер Алматыда мектеп автобусының қатысуымен болған жол-көлік оқиғасынан зардап шеккен балалардың барлығын дерлік үйіне жіберді, - деп хабарлайды Tengrinews.kz тілшісі. Бұл туралы брифинг барысында қалалық денсаулық сақтау басқармасы басшысының орынбасары Бағдагүл Әбдірәсілова мәлімдеді.

Оның айтуынша, жол апатынан кейін ауруханаға 9-11 жас аралығындағы алты бала жеткізілді, олардың барлығы мектеп автобусында отырған. Олардың бесеуі жеңіл жарақат алды, медициналық көмек көрсетіліп, тексерілгеннен кейін бесеуі ата-аналарымен үйлеріне қайтты. Бір баланың жарақаты орташа ауыр, оның миы шайқалған, оқушы нейрохирургия бөліміне жатқызылды. Дәрігерлердің айтуынша, ұл бала ауруханада 7-10 күн жатады. Басқармадағылардың сөзіне қарағанда, автобуста барлығы 13 бала болған.

Еске сала кетейік, жол апаты Алматыдағы Қарасу ықшамауданында болды. Полицияның мәліметінше, жол апатына екі автокөлік қатысқан - Mazda маркалы жеңіл көлік пен Kia маркалы автобус. Заводская көшесімен келе жатқан Mazda "Жол бер" белгісіне тоқтамаған, ал ол жол - қосалқы, сөйтіп ол негізгі орталық жолға шығып кетіп, KIA маркалы автобусына соғылды. Полиция сотқа дейінгі өндірісті бастады. Тиісті сараптамалар тағайындалады, оның ішінде сот-медициналық сараптамасы бар.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай